సమంత తెలుగు సినిమా నటి. తెలుగు చిత్ర పరిశ్రమలో తనకంటూ ప్రత్యేక శైలితో పాటు పలు చిత్రాలలో అద్భుతమైన నటనను కనబరిచి సినీ పరిశ్రమలో తనకంటూ ప్రత్యేక ముద్ర వేసుకున్న సినీ తారల్లో ఆమె ఒకరు.
సమంత వరుస సినిమాలతో బిజీగా ఉంది. ఇదిలావుంటే, సమంత ఇటీవల యశోద సినిమాతో ప్రేక్షకులను పలకరించిన సంగతి తెలిసిందే.
ఈ మధ్య మయోసైటిస్‌తో బాధపడుతున్న ఆమె ఇప్పుడు ఆ వ్యాధి నుంచి పూర్తిగా కోలుకుంది. ఈ భామ మళ్లీ సినిమాల్లో బిజీ కావడానికి ప్రయత్నిస్తోంది. ఓ వైపు జిమ్‌లో వర్కవుట్ చేస్తూనే మరోవైపు సినిమా షూటింగ్‌లలో పాల్గొంటూ అభిమానులకు మరింత చేరువయ్యే ప్రయత్నం చేస్తూ సోషల్ మీడియాలో యాక్టివ్‌గా ఉంటుంది. సమంత నటించిన శాకుంతలం విడుదలకు సిద్ధంగా ఉన్న సంగతి తెలిసిందే.
సమంత ప్రస్తుతం సిటాడెల్ అనే వెబ్ సిరీస్‌లో నటిస్తోంది. తాజాగా అందుకు సంబంధించిన ఫోటోలను సోషల్ మీడియాలో షేర్ చేసింది. కొత్త సంవత్సరం జనవరిలో తన జీవితం ఎలా సాగిందో సోషల్ మీడియాలో ఫోటోల ద్వారా పంచుకుంది. ధైర్యంగా ముందుకు సాగండి అంటూ జనవరిలో జరిగిన విషయాలను సమంత ఒక్కసారి గుర్తు చేసుకుంది. ఇప్పుడు అవి సోషల్ మీడియాలో వైరల్ అవుతున్నాయి.
