చంద్రబాబు నాయుడు నువ్వు గెలిచిన కుప్పంలో అయినా.. నేను గెలిచిన నగిరిలో అయినా రా చూస్కుందాం. మీ మేనిఫెస్టో తెచ్చుకో.. మా జగన్న
మేనిఫెస్టో తెస్తా నువ్వు ఇచ్చిన మేనిఫెస్టోలో ఎన్ని చేశావ్. అలాగే మా మేనిఫెస్టోలో ఎన్ని చేశామో ప్రజల ముందే తేల్చుకుందాం. అంటూ.. మంత్రి రోజా చంద్రబాబుకు సూపర్ సవాల్ విసిరారు. వరి మేనిఫెస్టో పూర్తయిందో ప్రజల్ని అడుగుదామంటూ ఛాలెంజ్ చేశారు. చంద్రబాబు అప్పుడు ఎవరితో సెల్ఫీ తీసుకుంటారో చూద్దామంటూ సెటైర్లు వేసిన రోజా, తాను విసిరిన సవాల్ ను స్వీకరించే దమ్ము చంద్రబాబుకు ఉందా అంటూ వ్యాఖ్యలు చేశారు.
అంతేకాదు జగన్ స్టిక్కర్ల మీద చంద్రబాబు రాజకీయాలు చేస్తున్నారని పేర్కొన్న రోజా సీఎం జగన్ పాలనను ప్రజలు ఆదరిస్తున్నారు కాబట్టి తాము ప్రజల్లోకి వెళ్ళగలుగుతున్నామన్నారు. టిడిపి, జనసేన నాయకులు దొంగతనంగా వెళ్లి పోటాపోటీగా స్టిక్కర్లు అంటిస్తున్నారని ఆపై తమ ఎల్లో మీడియాలో ప్రచారం చేసుకుంటున్నారని రోజా విమర్శించారు. టిడ్కో ఇళ్ల దగ్గర చంద్రబాబు సెల్ఫీలు తీసుకుంటున్నారని మండిపడిన రోజా ఆయనకు ఆయనే సెల్ఫ్ గోల్ చేసుకుంటున్నారు అంటూ వ్యాఖ్యలు చేశారు.
