ఎమ్మెల్సీ ఎన్నికల్లో క్రాస్ ఓటింగ్ కి పాల్పడ్డారంటూ.. ఏకంగా నలుగురు ఎమ్మెల్యేలపై వైసీపీ అధిష్టానం వేటు వేసిన సంగతి తెలిసిందే. ఇక ఇదే అంశంపై స్పందించిన చంద్రబాబు వైసీపీ ప్రభుత్వంపై సెటైర్లు వేశారు. మీ ఎమ్మెల్యేలకు కూడా మీ మీద విశ్వాసం లేదు, నీతి నిజాయితీ గురించి మీరు మాట్లాడుతున్నారా..? అంటూ చంద్రబాబు ప్రశ్నించారు. రాష్ట్ర ప్రజలు 23మందిని గెలిపిస్తే.. వైసీపీ దానిని కూడా అవహేళన చేశారు. ఏదో దేవుడు స్క్రిప్ట్ రాశారని, మనవాళ్ళని బజారులో పశువుల మాదిరిగా కొనుక్కొని వాళ్ళ పార్టీలో పెట్టుకొని, చివరికి వారితో మనల్నే తిట్టించే పరిస్థితికొచ్చారని బాబు ఫైర్ అయ్యారు. నిన్న ఆ భగవంతుడు తిరిగి స్క్రిప్ట్ రాశాడు, అందుకే 23 వ తేదీన 23 ఓట్లతో తమ ఎమ్మెల్సీ అభ్యర్ధి విజయం సాధించారని.. ఇక మీదట టీడీపీ అన్ స్టాపబుల్ అంటూ తమ పార్టీ క్యాడర్ కి జోష్ కలిగించారు.
