చంద్రబాబు కట్టిన రాజధాని అమరావతిలో గతంలో టిడిపి ఓటమి పాలయ్యింది. వచ్చే ఎన్నికల్లో ఎలాగైనా అమరావతిలో పాగా వేయాలని టీడీపీ ప్రయత్నిస్తుంది. రాజధాని సెంటిమెంట్ తో అమరావతిలో పట్టు సాధించాలని చంద్రబాబు విశ్వప్రయత్నాలు చేస్తున్నారు. అమరావతిలో మరోసారి గెలిచి తమ సత్తా ఏంటో చాటాలని అధికార పార్టీ వ్యూహ రచనలు చేస్తోంది. ఇక ఈ నేపధ్యంలోనే చంద్రబాబు పల్నాడు పర్యటన చేయనున్నారు.
దీంతో ఫ్లెక్సీల వార్ మొదలయ్యింది. అది కాస్తా చిలికి చిలికి గాలి వానలా మారింది. అమరావతిలో వరుసగా రెండోరోజు పోలీసుల హడావిడి కనిపిస్తోంది. చంద్రబాబు టూర్ నేపథ్యంలో వైసీపీ, టీడీపీ వర్గాలు దాడులకు దిగే అవకాశాలున్నట్లు పోలీసులు అనుమానిస్తున్నారు.
చంద్రబాబుకి వ్యతిరకంగా పెడకూరుపాడులో ఫ్లెక్సీల వెలిశాయి. చంద్రబాబు సిగ్గు సిగ్గు అంటూ వైసీపీ నేతలు ఫ్లెక్సీలను కట్టారు. అయితే చంద్రబాబు ఫొటోలతో ఫ్లెక్సీలు తిరిగి పెట్టాలని టీడీపీ డిమాండ్ చేస్తోంది. దీంతో ఎలాంటి అవాంఛనీయ ఘటనలు జరగకుండా పోలీసులు భారీగా మోహరించారు. గత వారంలో చంద్రాబాబు నూజివీడు పర్యటన నేపధ్యంలో హనుమాన్ జంక్షన్ రోడ్ లో నువ్వే మా దరిద్రం చంద్రబాబు అంటూ ఫ్లెక్సీలు దర్శనమినచ్చాయి. ఇలా చంద్రబాబు పర్యటనల వేల ఎప్పటికప్పుడు నిరసనలు వ్యక్తం అవుతున్నాయి.
