రాజకీయాలు వేరు అభిమానం వెరని మరోసారి ఋజువయ్యింది. అభిమానం పరంగా పవన్ కళ్యాణ్ కి నూటికి నూరు మార్కులు ఇస్తున్న వారే.. రాజకీయాలకు వచ్చేసరికి ఆ అభిమానం కాస్త పటాపంచలు అవుతోంది. పవన్ అంటే పడి చచ్చే బండ్ల గణేష్ తాజాగా ఓ ఇంటర్వ్యూలో షాకింగ్ కామెంట్స్ చేశారు. ఏపీలో జగన్ అద్భుతమని బండ్ల గణేష్ పేర్కొన్నారు. దేశంలో ఎక్కడా లేని ఉచిత పథకాలు ఏపీలో ఉన్నాయన్నారు. కాకపోతే..
కొన్ని ఉచిత పధకాపథకాలు ఇవ్వడం మంచి పద్దతి కాదన్నారు. కానీ విద్య, వైద్యం వంటివాటిలో ఉచిత పథకాలు ప్రజలకు అవసరం అన్నారు.
టీడీపీ, జనసేన పొత్తుపై యాంకర్ అడిగిన ప్రశ్నకు బండ్లగణేష్ సమాధానమిస్తూ..టీడీపీ, జనసేన కలిస్తే కడుపు వస్తుందా? లేకుంటే కడుపు రాకుండానే డెలివరీ అవుతుందా అని విమర్శలు చేశారు. టీడీపీ, జనసేన కూటమి గెలవాలని తాను కోరుకోవడం లేదన్నారు. తెలంగాణలో తనకు రైతు బంధు పథకాన్ని అందించారని, ప్రభుత్వం ఉచితంగా ఇచ్చింది కాబట్టి తాను తీసుకున్నానని బండ్ల గణేష్ అన్నారు. ఇకపోతే తన అభిమాన హీరో పవన్ కచ్చితంగా సీఎం అవుతాడని, అయితే ఆయన ఎప్పుడు ముఖ్యమంత్రి అవుతాడనే విషయం మాత్రం చెప్పలేనని అన్నాడు. కానీ ఏపీలో మాత్రం సీఎం జగన్ ఓడిపోవడం తాను కోరుకోవడం లేదని స్పష్టం చేశారు. ప్రస్తుతం బండ్ల గణేష్ చేసిన వ్యాఖ్యలు వైరల్ అవుతున్నాయి. ఇక పవన్ కళ్యాణ్ ని అభిమానించే వారిలో ఆలీ కూడా ఒకరు. ఆయన జగన్ పార్టీలో చేరిన సంగతి తెలిసిందే. ప్రస్తుతం ఆలీ ఏపీ ఎలక్ట్రానిక్ మీడియా సలహాదారుడిగా కొనసాగుతున్నారు.
