సింపతీ సంపాదించుకోవాలంటే.. టిడిపి నాయకుల తర్వాతనే ఎవరైనా. ఆ పార్టీలో చంద్రబాబుతో సహా.. క్యాడర్ అంతా సెంటిమెంట్ పండించాలనే చూస్తారు. ఈ మాటలు మేము చెప్పేవి కాదండోయ్. జేసీ ప్రభాకర్ రెడ్డి క్రియేట్ చేసిన సీన్ కి సోషల్ మీడియాలో నెటిజన్లు అంటున్న మాటలు. అసలు జేసీతో న లోకేష్ ఎందుకు కన్నీరు పెట్టించారు అనే కదా మీ అనుమాన౦. రాష్ట్రవ్యాప్తంగా యువగళం పేరుతో పాదయాత్ర చేస్తున్నారు. ఈ పాదయాత్ర ఇప్పటికే రాయలసీమలో పలు జిల్లాల్ని దాటుకుని అనంతపురం జిల్లా తాడిపత్రికి చేరుకుంది. ఈ సందర్భంగా లోకేష్ పాదయాత్రలో పాల్గొన్న తాడిపత్రి మాజీ ఎమ్మెల్యే, మున్సిపల్ ఛైర్మన్ జేసీ ప్రభాకర్ రెడ్డి ఆసక్తికర వ్యాఖ్యలు చేశారు. అదే సమయంలో లోకేష్ పరిస్ధితిని తల్చుకుంటూ భావోద్వేగంతో కన్నీరు పెట్టుకున్నారు. నారా లోకేష్ కాలి బొబ్బలు చూసి ఆయన చలించిపోయారు. ఈ రాష్ట్రం కోసం, రాష్ట్ర ప్రజల కోసం లోకేష్ పడుతున్న కష్టాన్ని చూసి జేసీ ఇలా కన్నీరు పెట్టుకున్నారు. ప్రజల కోసం లోకేష్ పాదయాత్ర చేస్తున్నారని , మన బ్రతుకులు మారే రోజులు దగ్గర్లోనే ఉన్నాయని.. కన్నీరు పెడుతూ జేసీ వ్యాఖ్యలు చేశారు. లోకేష్ ఎన్టీఆర్ అంతటి వాడవుతాడని జేసీ ప్రభాకర్ రెడ్డి పేర్కొన్నారు. అసలు లోకేష్ కి ఎం తక్కువ, ఎంతో విలాసవంతమైన జీవితాన్ని వదిలేసి ఇలా ఎర్రని ఎండలో పాదయాత్ర చేస్తున్నదని ఎవరి కోసం,ఈ రాష్ట్ర ప్రజల కోసం అంటూ భావోద్వేగానికి గురయ్యారు. ఇదండీ.. జేసీ ప్రభాకర్ రెడ్డితో లోకేష్ కన్నీళ్లు పెట్టించడానికి కారణాలు.
