కర్ణాటక అసెంబ్లీ ఎన్నికల ఫలితాలను బట్టి పరిశీలిస్తుంటే.. ప్రధాని మోడీ మ్యాజిక్ ఫెయిల్ అయినట్టే కనిపిస్తోంది. ఎన్నికల ఫలితాలు ప్రతీ రౌండ్‌లో ఉత్కంఠత రేకెత్తిస్తున్నాయి. ప్రస్తుతం కౌంటింగ్ ప్రారంభమైన దగ్గర నుంచి కాంగ్రెస్ పార్టీ ఆధిక్యతలో కొనసాగుతోంది. మ్యాజిక్ ఫిగర్ ని కూడా క్రాస్ చేసింది. దాదాపు 130 సీట్లు సాధిస్తుందని ఆ పార్టీ నాయకులు అంటున్నారు. రాష్ట్రం అంతటా కాంగ్రెస్ పార్టీ నాయకులు, శ్రేణులు, అభిమానులు సంబరాలలో మునిగి తేలుతున్నారు. ఫైనల్ గా గెలుపు తమదేనని కాంగ్రెస్ ధీమా వ్యక్తం చేస్తోంది. అయినా.. చివరి రౌండ్‌కు వచ్చే సరికి ఎన్ని సీట్లు వస్తాయో అనే ఆందోళన మాత్రం కాంగ్రెస్ నాయకుల్లో ఉన్నది. అందుకే తమ ఎమ్మెల్యేలు చేజారిపోకుండా ముందస్తు జాగ్రత్తలు మొదలు పెట్టింది. ఈ ఎన్నికల్లో గెలిచినా, ఓడినా సరే కాంగ్రెస్ పార్టీ తరపున బరిలో దిగిన అభ్యర్థులు అందరూ బెంగళూరు రావాలని కాంగ్రెస్ హైకమాండ్ ఆదేశాలు జారీ చేసింది. హైదరాబాద్ నుండి బెంగుళూరు ఎయిర్పోర్ట్ కి పదుల సంఖ్యలో హెలికాప్టర్స్ సిద్ధం అయ్యాయి.
హైదరాబాదులోని స్టార్ హోటల్స్ అన్ని బుక్ అయ్యాయి. బీజేపీ ప్లాన్ బీ రెడీ చేస్కు౦దని సమాచారం. ఇక ఈ నేపధ్యంలోనే కాంగ్రెసు అధిష్టానం అలర్ట్ అయ్యి గెలిచిన ఎమ్మెల్యేలను బెంగుళూరుకు రావాలని పిలుపు వచ్చింది. మరి గెలిచిన కాంగ్రెసు ఎమ్మెల్యేలు ఎలాంటి స్టాండ్ తీసుకుంటారో చూడాలి.
