బ్రేకింగ్ న్యూస్ చూస్తున్నాం.. టీడీపీ నేత పట్టాభి అరెస్ట్ అవడంతో గన్నవరం రాజకీయం హాట్ టాపిక్ గా మారింది. అయితే.. పట్టాభి కనబడుటలేదని ఆమె భార్య తాజాగా చేసిన వ్యాఖ్యలు ఏపీ రాజకీయాలలో పెను దుమారం రేపుతున్నాయి. ఈ క్రమంలోనే.. టీడీపీ నేత పట్టాభి భార్య చంద‌న హౌస్ అరెస్ట్ అయ్యారు. నా భర్తకు ఏమైనా జరిగితే.. సీఏం జగన్ , డీజీపీ దే బాధ్యత అంటూ ఆమె డీజీపీ కార్యాలయానికి వెళ్ళే యత్నం చేశారు. ఈ క్రమంలోనే.. పట్టాభి భార్య చంద‌నను పోలీసులు హౌస్ అరెస్ట్ చేశారు.
ఆమెను పోలీసులు ఇంటికి తీసుకురావ‌డంతో అమె ఇంట్లోనే నేల‌పై కూర్చొని నిర‌స‌న తెలుపుతున్నారు. తాము ఇంట్లో లేని సమయంలో కొందరు దుండగులు వచ్చి వారి ఇంట్లో ఉన్న సామగ్రిని ధ్వంసం చేశారతని ఆమె మండిపడ్డారు. పట్టాభి అరెస్ట్ కి నిరసనగా టిడిపి నేతలు గన్నవరం చేరుకునే ప్రయత్నం చేస్తున్నారు. దీంతో ఎక్కడికక్కడ టీడీపీ నేతలు అరెస్ట్ లు అవుతున్నారు. కొల్లు రవీంద్రను చిల్లకల్లు వద్ద అరెస్ట్ చేసిన పోలీసులు విజయవాడ తరలిస్తున్నారు. మరో వైపు.. దేవినేని ఉమాను కూడా పోలీసులు హౌస్ అరెస్ట్ చేశారు. బుద్దా వెంకన్న కూడా హౌస్ అరెస్ట్ అయ్యారు.
