సూపర్ స్టార్ రజనీకాంత్ పై వైసీపీ ఎమ్మెల్యే కొడాలి నాని తీవ్ర స్థాయిలో విమర్శలు చేశారు. పవన్ కళ్యాణ్‌ను బ్లాక్ మెయిల్ చేసేందుకే రజినీకాంత్‌ను చంద్రబాబు రంగంలోకి దించాడని, చంద్రబాబు రాజకీయాలను ఇకనైనా పవన్ కళ్యాణ్ గ్రహించాలని కొడాలి నాని సూచించారు.
సిగ్గుశరం లేకుండా చంద్రబాబును పొగుడుతున్నాడంటూ విమర్శించారు. చంద్రబాబు ఎన్టీఆర్‌ని వెన్నుపోటు పొడిచిన విషయం రజనీకాంత్‌కు తెలియదా అంటూ ప్రశ్నించారు. బాబు అధికారంలో ఉండగా ఎన్టీఆర్‌కు భారత రత్న అంశం గుర్తుకు రాదంటూ విమర్శించారు. ప్రధాని అయ్యే అవకాశం ఉన్న ఎన్టీఆర్ చావుకు బాబు కారణమంటూ ఆరోపించారు. 2013 వరకే బాబు హైదరాబాదు‌కు సీఎంగా ఉన్నారని, 20 ఏళ్ల పాటు బాబు లేకుండానే హైదరాబాదు అభివృద్ధి చెందిందని గుర్తించాలని కొడాలి నాని సూచించారు.ఎన్టీఆర్‌ను వెన్నుపోటు పొడిచిన బాబును పొగడటం విడ్డూరంగా ఉందంటూ విమర్శించారు. సభకు పిలిచారు కాబట్టి బాబును పొడిగినట్లుగా ఉందని కొడాలి నాని అన్నారు. మూడు రోజులు షూటింగ్ చేస్తే.. నాలుగు రోజులు హాస్పిటల్లో ఉండే రజినీకాంత్ తెలుగు ప్రజలకేం చెప్తాడని కొడాలి నాని ఘటుగా విమర్శలు చేశారు. ఎవడో రాసిచ్చిన స్క్రిప్ట్‌ను రజినీకాంత్ చదువుతూ తను వ్యక్తిగా మరింత దిగజారుతున్నాడంటూ నాని అన్నారు.
