వివాదాస్ప‌ద వ్యాఖ్య‌ల‌కు రాంగోపాల్ వర్మ కేరాఫ్‌గా నిలుస్తుంటారు. ఆయన చేసే ఏ వ్యాఖ్య అయినా వివాద‌మే. ఆయన ఎవ్వరికీ భయపడకుండా తన పని తాను చేసుకుంటూ పోతారు. ఇక ఈ నేపధ్యంలోనే రాంగోపాల్ వర్మ పల్లె రఘునాథరెడ్డిపై సంచలన ట్వీట్ చేశారు. తాజాగా పుట్టపర్తిలో రాజకీయ విభేదాలు భగ్గుమన్నాయి. ప్రశాంతతకు మారుపేరుగా నిలిచే ప్రశాంతి నిలయం ఉన్న పుట్టపర్తిలో రాజకీయ ఘర్షణలు చెలరేగాయి. అభివృద్ధి విషయంలో టీడీపీ, వైసీపీ నేతల ఘర్షణలతో పుట్టపర్తి అట్టుడికింది. సవాళ్లు, ప్రతిసవాళ్లు చేసుకుంటూ నాయకులు రోడ్లపైకి వచ్చారు. దీంతో హైటెన్షన్ వాతావరణం నెలకొంది. పుట్టపర్తిని అభివృద్ధి చేసింది తామేనని మాజీ మంత్రి పల్లె రఘునాథరెడ్డి అన్నారు. ఈ రాజకీయ విభేదాలు, రాజకీయ ఘర్షణలపై ఆయన రియాక్ట్ అవుతూ ట్విటర్ లో పోస్ట్ చేశారు. ఆ పోస్ట్ కాస్త సోషల్ మీడియాలో తెగ వైరల్ అవుతోంది. ఇంతకీ వర్మ ఏమని పోస్ట్ చేశారంటే.. you know వడగండ్ల వాన ?, you know నిప్పుల వాన ? , you know గాలివాన ? this is చెప్పుల వాన. టీడీపీ మాజీ ఎమ్మెల్యే పల్లె రఘునాథరెడ్డికి జరిగిన అరుదైన గౌరవం అంటూ.. రాంగోపాల్ వర్మ ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ అవుతోంది. నెటిజన్లు కూడా పల్లె రఘునాథరెడ్డికి వ్యతిరేకంగా కామెంట్స్ చేస్తున్నారు. ఇంతకాలం ఎక్కడో దాక్కొని ఇప్పుడు.. అభివృద్ది గుర్తొచ్చిందా అంటూ నెటిజన్లు కామెంట్స్ చేస్తున్నారు. మరి ఈ వ్యవహారంపై పల్లె ఎలా రియాక్ట్ అవుతారో చూడాలి.
