స్టార్ హీరోయిన్ సమంత మాన‌వ ప్ర‌య‌త్నంపైనే కాదు.. దైవానుగ్ర‌హంపై కూడా ఆధార‌ప‌డుతుంది. అందుకు గ‌ల కార‌ణాలేంటో ప్ర‌త్యేకంగా చెప్ప‌న‌వ‌స‌రం లేదు. ప్ర‌స్తుతం ఆమె మియోసైటిస్ వ్యాధితో బాధ‌ప‌డుతున్న సంగ‌తి తెలిసిందే. గత ఏడాది ఆమెకు మియో సైటిస్ ప్ర‌భావం ఎక్కువ‌గా ఉండ‌టంతో ఆమె షూటింగ్స్‌లో సైతం పాల్గొన‌లేదు. కండ‌రాలా వ్యాధి కార‌ణంగా ఆమె షూటింగ్స్‌లో పాల్గొంటుందో లేదోన‌ని అంద‌రూ భావించారు. అయితే సమంత డాక్ట‌ర్స్ స‌పోర్ట్‌, వ్యాయామం చేయ‌టం వంటి కార‌ణాల‌తో మ‌ళ్లీ బౌన్స్ బ్యాక్ అయ్యింది.
రీసెంట్‌గానే ఆమె రాజ్, డీకే దర్శకత్వంలో రూపొందుతోన్న వెబ్ సిరీస్ సిటాడెల్ షూటింగ్‌లో పాల్గొంటుంది. దీని త‌ర్వాత సామ్ ఖుషి షూటింగ్‌లో పాల్గొనాల్సి ఉంది. తాజాగా ఇప్పుడు సమంత దైవానుగ్ర‌హంపై కూడా ఆధార‌ప‌డుతుంది. త‌న ఆరోగ్యం బాగుప‌డాలంటూ దిండిక‌ల్‌లోని ప‌ళ‌ని సుబ్ర‌హ‌ణ్మ్య‌స్వామి ఆల‌యాన్ని ద‌ర్శించుకుంది. రెగ్యుల‌ర్‌గా ద‌ర్శించుకోకుండా ప్ర‌తి మెట్టుకు క‌ర్పూరం వెలిగిస్తూ వెళ్లింది సమంత. దీనికి సంబంధించిన ఫొటోలు నెట్టింట వైర‌ల్ అవుతున్నాయి. అభిమానులు, నెటిజ‌న్స్ సైతం సమంత ఆరోగ్యం వీలైనంత త్వ‌ర‌గా కోలుకోవాలంటూ కామెంట్స్ రూపంలో ఆమెకు మ‌ద్ద‌తుని తెలియ‌జేస్తున్నారు.
ఇక ప్ర‌స్తుతం సమంత చేస్తున్న సినిమాల విష‌యానికి వ‌స్తే ఆమె ప్ర‌ధాన పాత్ర‌లో న‌టిస్తోన్న చిత్రం ‘శాకుంతలం’. గుణ శేఖర్ దర్శకత్వంలో తెరకెక్కుతోన్న ఈ సినిమాను ఏప్రిల్ 14న పాన్ ఇండియా రేంజ్‌లో ఐదు భాష‌ల్లో విడుద‌ల చేస్తున్నారు. అభిజ్ఞాన శాకుంతలం ఆధారంగా రూపొందిస్తోన్న శాకుంతలం మూవీని త్రీడీ టెక్నాల‌జీలో చేస్తున్నారు. నీలిమ గుణ నిర్మాత. గత ఏడాది య‌శోద చిత్రంతో పాన్ ఇండియా రేంజ్ స‌క్సెస్ అందుకున్న సమంత ఇప్పుడు శాకుంతలం అనే మరో పాన్ ఇండియాతో బాక్సాఫీస్ ద‌గ్గ‌ర త‌న అదృష్టాన్ని ప‌రీక్షించుకోనుంది.
