చంద్రబాబుకి మరో గట్టి షాక్ తగిలింది. పార్టీలో ఉన్న నాయకులు వరుసగా రాజీనామాలు చేసి.. అధికార పార్టీలోకి జంప్ అవుతున్నారు. ఇప్పుడు తాజాగా.. మరో టీడీపీ సీనియర్ నేత వైసీపీలో చేరనున్నారు. కైకలూరు టీడీపీ మాజీ ఎమ్మెల్యే జయమంగళం వెంకటరమణ సీఎం జగన్ సమక్షయంలో వైసీపీ కండువా కప్పుకొనున్నారు. ఆయనకు సీఏం జగన్ బంపర్ ఆఫర్ ప్రకటించిందని తెలుస్తోంది. ఎమ్మెల్సీగా ఆయనకు అవకాశం ఇస్తామని చెప్పడంతో వైసీపీలోకి వచ్చేందుకు ఆసక్తి చూపించారని సమాచారం.
ఈ మేరకు మాజీ ఎమ్మెల్యే కు నలుగురు గన్ మ్యాన్లతో ప్రభుత్వం భద్రత కూడా ఏర్పాటు చేశారట. కైకలూరు టీడీపీ ఇన్చార్జిగా ఉన్న జయమంగళ వెంకట రమణ చాలా కాలం నుంచి పార్టీ అధినాయకత్వంపై అసంతృప్తితో ఉన్నారని టాక్. వెంకటరమణ పార్టీలోకి తీసుకురావడంలో మంత్రి కారుమూరి నాగేశ్వరరావు కీలకంగా వ్యవహరించారని వైసీపీ నేతలు చెబుతున్నారు. ఇప్పుడు ఏపీలో వచ్చే నెలలో ఖాళీలు అయ్యే స్థానాలతో కలుపుకొని మొత్తం పద్నాలు ఎమ్మెల్సీ స్థానాలకు ఎన్నికలు జరగనున్నాయి. అందలో ఒకటి వెంకటరమణకు ఇవ్వబోతున్నట్టు వైసీపీ వర్గాల నుంచి అందుతున్న సమాచారం.
