భారత స్టార్ సూర్యకుమార్ యాదవ్ పొట్టి ఫార్మాట్‌లో రాణిస్తున్నాడు. మిస్టర్ 360 స్వదేశంలో న్యూజిలాండ్‌తో టి20 సిరీస్‌తో బిజీగా ఉన్నాడు మరియు అరుదైన రికార్డుపై తన దృష్టిని నెలకొల్పాడు.
రాంచీ మ్యాచ్‌తో..
రాంచీలో జరిగిన తొలి మ్యాచ్‌లో సూర్యకుమార్ యాదవ్ 34 బంతుల్లో 47 పరుగులు చేసి 910 రేటింగ్ పాయింట్లు సాధించాడు. అయితే టోర్నీ రెండో టీ20లో 31 బంతుల్లో 26 పరుగులు చేసి చివరి వరకు నాటౌట్‌గా నిలిచాడు. ఈ నేపథ్యంలో రెండు పాయింట్లు కోల్పోయి 908 రేటింగ్ పాయింట్లతో నిలిచాడు.
మలన్ ఆల్‌టైం రికార్డు
పాయింట్ల రికార్డులో ప్రస్తుతం సూర్య మలన్ తర్వాతి స్థానంలో ఉన్నాడు. అయితే అహ్మదాబాద్‌లో జరిగే చివరి మూడో టీ20లో ఈ ముంబైకర్ బ్యాట్ ఝుళిపిస్తే.. కెరీర్ బెస్ట్ రేటింగ్ వచ్చే అవకాశం ఉంది. కాగా, 2020లో ఇంగ్లండ్ బ్యాట్స్‌మెన్ డేవిడ్ మలన్ 915 పాయింట్లతో టీ20 ర్యాంకింగ్స్‌లో ఆధిపత్యం చెలాయించాడు.
టీ20 ఫార్మాట్‌లో సత్తా చాటుతున్న సూర్యకుమార్ యాదవ్ ఐసీసీ టీ20 క్రికెటర్ ఆఫ్ ద ఇయర్ అవార్డుకు ఎంపికైన సంగతి తెలిసిందే. కాగా, కివీస్ ఓపెనర్ ఫిన్ అలెన్ కూడా టీమిండియాపై సత్తా చాటాడు.
ఐసీసీ టీ20 బ్యాటింగ్ ర్యాంకింగ్స్‌- టాప్‌-5లో ఉన్నది వీళ్లే
1.సూర్యకుమార్ యాదవ్(908 పాయింట్లు)- ఇండియా
2. మహ్మద్‌ రిజ్వాన్‌ (836)- పాకిస్తాన్‌
3. డెవాన్‌ కాన్వే(788)- న్యూజిలాండ్‌
4. బాబర్‌ ఆజం(778)- పాకిస్తాన్‌
5. ఎయిడెన్‌ మార్కరమ్‌(748)- సౌతాఫ్రికా
